貸評山下：合作或是取代？

貸評山下：合作或是取代？

早前中國經濟學家朱民表示，未來中國製造業取決於人工智能（AI）技術，筆者認為AI不會局限於某類行業，倒是在下個時代無處不在，而當今問題是身為企業領導者應如何把握AI與人類頭腦緊密合作，而非互相產生競爭或衝突，以幫助企業最終締造更多優勢及回報。
AI發展極為迅速，早就成為自動駕駛和金融交易等領域的基礎技術，這源於AI具備「快速處理」及「自主學習」兩種能力，它能夠實現學習、決策及執行的處理，並在過程中不斷進行優化，最終解決複雜性任務。另外，我們亦不能忽略一個重要事實，AI打破了機器本質上不能與人類溝通的障礙，它懂得說話和閱讀文字，甚至能把百科全書的知識吸收及保存，因此能與人類進行廣泛性的話題交流，這情況充分證明AI已從虛擬世界走進現實世界。

而筆者認為，目前企業必須了解未來人類與AI互相合作是不能逆轉的事實，兩者通過互補長短的合作，不止令企業，而是為整個社會發揮更大效益。例如人類在「平行處理」（parallel processing）（即模式識別）方面能力較厲害，但在「順序處理」（sequential processing）（即邏輯推理）方面緩慢，對此AI都可作出補足。然而，有市場論調指，未來是AI與人類展開競爭的時代，人類的職位及工作能力有機會被AI取替，但筆者不甚認同，並可想像生產力勢將出現重新配置，令市場重新定義人才管理。
AI擁有快速處理能力，因此非常適合應用於零售業等數據龐大的範圍，以及有關定價的常規任務。不過，由於AI在多方面已經獲得成功運用，舉例圖像識別技術已經超越人類水平，所以在日常生活中被廣泛採用，好像蘋果手機內置的Siri、亞馬遜的智能音箱Echo，甚至是股票交易、在線廣告、供應鏈管理等，都已融入AI技術。

總括而言，現時企業和投資者可透過四大因素觀察未來AI發展：（一）客戶需求；（二）科技進展；（三）數據來源；（四）分解過程；同時筆者想重申，人類是AI發展過程中不可或缺的驅動力，兩者應該是發揮互補作用和責任，而不是取代關係，AI和人腦結合會比單靠人腦或是單靠AI更厲害；因此只要兩者配合得宜，AI對於商業運作流程（如提高決策的速度和質量）、企業業務提升，以及社會資源優化等方面都可帶來莫大益處。


黃元山
大學教授、國際投行前董事總經理

http://hk.apple.nextmedia.com/financeestate/art/20170409/19984127

《老子》節錄

《老子》:不爭之爭

江海所以能為百谷王者，以其善下之，故能為百谷王。是以聖人欲上民，以其言下之；欲先上民，以其身後之。是以處上而民不重，處前而民不害。是以天下樂推而不厭。以其不爭，故天下莫能與之爭。

白話說：百川集海，是因為海位於百川之下，成為百川最後匯流之處，聖人慾得百姓之崇敬，身處上位，定先謙厚以待民。如欲領導人民，要將自身利益擺在人民利益之後。即使身居上位，人民不覺得有負擔。領導人民，人民也不覺受到限制。天下萬民欣於擁戴而不厭倦…因他的不爭之心，天下萬物亦不可與之競爭。

《老子》：「不自見，故明；不自是，故彰；不自伐，故有功；不自矜，故長；夫唯不爭，故天下莫能與之爭」。

白話說：不自我表揚，反越能顯明自身優點；不自以為是，反能彰顯自身不偏頗；不誇耀自身功績，反保有功績；不自我驕矜，反能長久受重；只有那不與人相爭的，世界上沒有人能和他相爭。

所謂「不爭」，非是放棄一切。而是要以「不爭」之姿態，反立於不敗之地。因為不爭，所以天下才沒有人能和你爭、想和你爭，反而才是競爭的最高境界、競爭之大智慧，這段話充分體現了老子「柔弱勝剛強」的基礎思想。

https://zh.wiktionary.org/zh-hant/%E4%B8%8D%E7%88%AD%E4%B9%8B%E7%88%AD

李錦 理財有道 TVB 2017_04_06

李錦 理財有道 TVB 2017_04_06

https://www.youtube.com/watch?v=pAdIE9wnKQE

https://www.facebook.com/LeeKam.wealtheducation/

我以前以為佢係賣窩輪，變成兒童理財專家。
但，睇完個訪問，感受好深。
佢本來係投機者，經過失敗，進化成投資人，再回饋社會。
回饋社會係投資人的最終昇華，將係市場賺到的錢，再回饋社會，呢一樣亦都係我係林森池先生學返來
投機無疑係刺激，華麗，但只是大部分投資人的其中一個階段。再進一步係建立portfolio，向資產配置進發。
好像金庸小說中的九陰白骨爪，雖然強，但九陰真經的內功才是王道。
練拳不練功，到老一場空。

借國泰事件探討處理奧客手法

https://www.facebook.com/shensimon/posts/1506641826036629

由Danny Tse留言
利由, 酒店及旅遊管理畢業, 曾任外國大企, 借SIMON 教授地方嚟講下理論:

2個角度,
第1, 客人要求是否合理
第2, 處理問題應否彈性

就第1, 「是否全家UPGRADE」, 作為一間公司, 唔係每一種要求你都做到, 但要唔要去做, 其實唔係去考究個「事實」而已, 而係做, 或唔做, 兩者發生之後既後果; 你只能借事實去帶出合理要求, 而唔可以輕言話客人講大話, R著數, 擺明玩野之類, 好重要既呢樣野。簡單講, 就係迴避個事實, 客人話有個位經理, 話應承過要全家Upgrade business class, 你應考慮成本(九牛一毛啦), 做咗既風險(大量客又嚟R, 或有啲客知道咗又會覺醒你偏心), 唔做既風險(呢個客唔開心, 或大量客知道咗後覺得你小家輸關公), 做咗既好處(令到救人既精神, 去到20年後既今日仲可以鼓勵好事, 潛在好關公), 唔做既好處(公司省錢, 省無謂既支出及日後應對敲竹槓會堅定, 內部團結).......

四個層面, 做,唔做, 好壞; 個決定有機會影响緊呢個係品牌BAND NAME, 內部指引, 實際金錢成本, 同RISK MANAGEMENT既一個全局考慮。我結論係, 因為有封信係客人手上, 唔做俾客, 係會俾傳媒翻出嚟既, 到時輸BAND NAME, 由於係無形資產, 評估唔到損失幾多實際利益, 因此, 2至4張upgrade一定要蝕出去

就第2, 處理問題手法, 就係經理你份人工既價值。如果我會咁樣: 先要求對方出示文件, 再決定offer(高於對方要求,可保證其接受), 決定好例如4張免費business free tickets(可以出coupon, 佢唔用咪俾人囉, 又有限期, 免手尾), 簽收當日叫對方交還舊信(如果對方只著眼tickets, 佢會俾, 你就可以收走呢種炸彈存檔, 唔得就算, make copy唔駛夾硬收), 並即時出一封新信, 上面注明因舊客對公司二十年來的信任, 基於本集團重視對客人既承諾, 無需證明, 補回二十年前的祝福, 延續助人救人的精神, 宣揚這種愛心正是本集團一直以來的宗旨、vision........ whatsoever, spin去出過一個新offer既定義, 而唔再講二十年前邊位應承過邊位....... 將來有投訴, 靠呢招公司最近一封感謝客人支持既信就可以蓋過當年糊塗既處理

CS行業, 其實日日都係咁, 外國既款待文化, 香港華人不知何時可以掌握或超前? 但宜家係倒退至少20年? Ha

附注: 客人一定會講一啲你無法輕易求證既所謂事實, 你無得即時求證, 但一定要DEAL WITH 個後果, 當對方擺出一副強勢態度兼難以考究既陳詞出嚟, 你就要揾一啲成本低既win-win situation solution, 用好冠冕堂皇, 個客buy到暈既好說話, magical words 等等盡快令佢接受offer 離場, 免過程中令佢情緒慢慢上漲或挑起追究或報復心態, 所以通報上級嚟分析客人一啲手上既把柄, 就係個重要既工作程序, 而好難有一個完美萬用既指引

是緣是債卻不是場夢

平行時空：如果將《Yes!》換成《蘋果日報》，劉錫明換成中共，毫無違和!

是緣是債卻不是場夢

浪漫月巴睇90s: 月巴氏

1.史家總是喜歡為過去的事找出和羅列原因——原因又分遠因近因，好複雜咁。

2.但如果歷史上大大小小的事(撇除天災)，講到尾都是由人一手造成，那麼，所有(只供考試或寫論文時使用的)原因，大概都可以約化成：產生歷史的最後原因，不外乎是人的情緒和意志。

3.例如「毒瘤明」。一個我在初時唔知用來形容邊位的花名。

4.我曾經是《Yes!》讀者，由第一期就開始買/睇。最喜愛欄目是「城市驚喜」，畢竟中學生活只有苦悶沒有驚喜，而我好想為生活加添驚喜……其實，每次搶購了最新的一期後(冇呃你，真係好快賣晒)，我都冇話認真的睇晒成本，頂籠只會睇那些情情答答的專欄(其中一Part專供男女向某一個朝思暮想的她或他表達愛意)——既然不是好鍾意睇，Why又要期期買(嚴格來說是搶購)？

5.是出於一種青春期對自我身份的尋求和塑造。如果當年的學生分成「睇《Yes!》」和「唔睇《Yes!》」兩大類，我屬於前者——這自然是我的刻意選擇，因為個感覺，好似勁啲咁(但你不要問我個「勁」字有甚麼內涵，我根本不知道)。

6.直至「毒瘤明」這名字開始出現在書內。實不相瞞，當年的我對於娛樂新聞真的不聞不問也不睇(唯一比較關心的是「字母小姐」真實身份)，睇見《Yes!》Keep住出現「毒瘤明」的描述，而且，永．冇．好．嘢。作為一個求知慾正常旺盛的中學生，實在好想知道「毒瘤明」是誰，Why被稱為「毒瘤明」的呢位仁兄要做埋咁多衰嘢，衰到要被《Yes!》期期係咁寫……

7.最後解答我疑難的是，坐我隔籬位的男同學。「哦～～」這是我知道答案後的第一個反應——但再沒有第二個反應了。然後，放學，唔知點解地，我的理性(好唔理性性地)一嘢唔該就將《Yes!》對「毒瘤明」的描述，悉數套落劉錫明身上。劉錫明從此在我的意識中成為一個我憎恨的人，而基於莫名的憎恨，我開始覺得佢啲歌唔好聽甚至極度難頂(首選必然是《Moshi Moshi Moshi》)，開始覺得佢啲演技屎，開始覺得佢樣衰……總之任何同佢有關的事與物都乞我憎。而我有理由相信，當年好多(我唔識的)人，都跟我擁有相同心理。我們恍如集體撞邪地，共同地去憎呢一個人。這其實是一件好恐怖的事。

8.直至他從此在香港徹底消失，而我又冇再買/睇《Yes!》。那些曾經的所謂仇恨，突然好似煙消雲散——又或者咁講：我已經不再Care。但我原來曾經成為共犯，務求把一個人徹底趕絕的共犯——即使我好似冇做過任何嘢(那些對「毒瘤明」的描述又不是我寫的)，問題是，我(竟然)相信了那些描述，甚至因為那些描述而漸漸討厭劉錫明，再變成十冤九仇懷恨在心，到最後，更將這一份仇恨轉化成一種自我身份認同——識得憎劉錫明是勁啲的(但你不要問我個「勁」字有乜內涵，我根本不知道)。作為所謂理性的動物，過程中我究竟有冇正確地使用理性？抑或我原來也因為情緒的操控，而變成不理性的人？

9.看著劉錫明再次唱出《是緣是債是場夢》時我想到：一個人的生命，原來可以因為一齣電視劇、一句讚美女主角的說話，以及另一個人聽見後所產生的內心反作用力，而經歷超巨大轉向。

10.歷史學家往往鍾意問「What if？」。假如當日劉錫明沒有說出那一句讚美周慧敏的話(咁前設自然是他們由始至終都沒有合作《烏金血劍》），那麼，他的星/命途又會點？我們當然不會也不能知道；但至少，他不用出走台灣，而劉媽媽也可以經常睇到自己個仔的演出。即使劉錫明唔知我係乜水，但我也想代當年不理性的我同你講聲：真心Sorry。

文章來源:
https://www.am730.com.hk/column/%E5%A8%9B%E6%A8%82/%E6%98%AF%E7%B7%A3%E6%98%AF%E5%82%B5%E5%8D%BB%E4%B8%8D%E6%98%AF%E5%A0%B4%E5%A4%A2-73320

中央要香港人跪求廿三條和八三一

中央要香港人跪求廿三條和八三一

昨天說，中央正在對民主派打殲滅戰，它的底氣何在，信心何恃呢？

幾個月前，我寫過一篇文章，講明自己的政治立場：由於歷史和正義是由贏家所寫，所以我永遠站在贏家的一方，雞蛋和高牆對抗，我永遠站在高牆的一方，撿蛋黃來吃。由於黃絲帶的下一代，梁頌恆和游蕙禎太過不濟，因此我也別無選擇，只有投向另外一邊。

看這幾年的政治氣候，當中央軟弱的時候，黃絲帶聲勢大盛，這自然沒有話說。然後，中央反擊了，DQ了梁游，繼續DQ另外4位議員，推林鄭月娥上場……

理論上，壓力愈大，反抗也應該愈大才是。然而，轟轟烈烈的搞了場雨傘運動，傘兵被DQ，非但沒有人支持，反而被網民嘲笑，幸災樂禍。當日劇烈反對「八三一決定」的原班人馬，居然忘記前事，全力支持建制派的曾俊華去參選……這令到中央發現了，原來香港人的本質是欺善怕惡，壓力愈大，反抗愈小，於是大起膽來，大巴大巴的星過去，哦，示威沒有了，好些黃絲帶也投降變「鬼」了，這就是今日政府恣意進行「帝國反擊戰」的來由。

一隻巴掌拍不響，大家看在眼裏：佔中旗手呼籲他人去佔中，自己的子女一個不去，「佔中十死士」發現事態嚴重，遂搖身變成「十個救火的少年」，當逃兵去也。

「公民抗命」的本質是在犯法後，慷慨投案，以彰顯建制之不公，但事之後，卻有多人企圖「走數」。「佔領中環」的本質是對抗強權，卻變成了佔領銅鑼灣和旺角，不去面對權貴，卻來對付弱小的店主……

簡單點說，在這幾年間，中央摸清了黃絲帶的底牌，精密計算過，終於悍然動手。這一次的帝國反擊戰，將會伊于胡底呢？

記得林鄭月娥當選後，我馬上撰文指出，第一，她沒有班底，第二，她既不會通過廿三條，而是用現有法律，進行肅清，也不會重推政改。這其中第一個預言，已經成為了現實。

至於第二個預言，我認為，香港人在2003年推倒廿三條，在2014年推倒「八三一決定」，中央的立場，是要證明這兩次推翻是大錯特錯，非要打到香港人跪求廿三條重啟，以及接受「八三一決定」，這場戰鬥方會完結。

文章來源:
https://www.am730.com.hk/column/%E8%B2%A1%E7%B6%93/%E4%B8%AD%E5%A4%AE%E8%A6%81%E9%A6%99%E6%B8%AF%E4%BA%BA%E8%B7%AA%E6%B1%82%E5%BB%BF%E4%B8%89%E6%A2%9D%E5%92%8C%E5%85%AB%E4%B8%89%E4%B8%80-73411

是日噏day：偷食唔記得抺咀！4個低級錯誤

是日噏day：偷食唔記得抺咀！4個低級錯誤

呢兩日嘅城中熱話，一定係鄭俊弘偷食何雁詩事件。今晚嘅men’s talk happy hour，就用左呢件事嚟做case study。

陪審團一致認為，鄭俊弘的確係唔識食。講緊嘅唔係何雁詩夠唔夠正嗰種識唔識食，而係從鄭俊弘俾人揭發偷食嘅過程，睇得出佢有可能係偷情嘅神手，但係就絕對唔識乾手淨腳嘅小偷。

1、對象喺電話簿要改名是常識吧

朋友A：「喂依家佢俾人捉到成日send message同傾電話嘅，個名叫Stephanie Ho喎。斷到咁正，邊有得搞。偷情對象喺個電話入面，要改名基本上都係常識嚟架啦。

但在座各位，你哋同我定，我係唔會用大家個名嘅。因為我女朋友都識你哋，如果我啲女打黎顯示你哋個名，佢攞出黎聽，又或者下次問你地做咩半夜三間send message俾我，我咪死梗？所以我一般會揀一啲唔係好熟嘅男性朋友，例如男同事，將我偷食對象改咗佢哋個名，咁就穩陣啦。」

2、識食梗係搭的士啦

朋友B：「其實唔明佢點解要咁傻仔搭Uber，仲要用何雁詩個account，有晒record俾人check。你要去幽會，第一件事當然係唔會揸自己部車啦，咁易俾人認到。

但你以為搭uber好醒咩？一樣有記錄。其實最方便就係搭的士，無記認無record架嘛，就算俾人發現咗，你死口唔認的士入面嗰個係你，佢都吹你唔漲。最緊要你唔好醒目到拎的士單就得啦。」

3、勤力刪除記錄

朋友C：「其實啱啱話用另外一個人嘅名去取代偷情對象嘅做法，仲有一樣野好。就係你完完全全刪除左訊息記錄，又或者通話紀錄，都唔會覺得怪。因為對家個名如果係一個唔熟嘅朋友，你同佢完全冇對話，一啲都唔奇。但如果個名好似呢單野咁，對家叫Stephanie Ho， 你講到同佢咁熟，無對話內容，邊個信呀？

4、唔好做多餘野

朋友D：「既然係偷食，就千祈唔好做偷食以上嘅多餘野。所以我唔係好明點解鄭俊弘會諗住同何雁詩去租屋。做到要租屋呢一步，會唔會認真左少少呢？所以咪會俾人捉到囉！」

我：「其實如果雜誌報道係真嘅，我估佢同何雁詩都唔係偷食咁簡單，應該係諗住嚟真。但既然係諗住嚟真，點解又唔係乾乾脆脆一單還一單咁同原本個女朋友分左手，先同另外一個女仔一齊呢？其實鄭俊弘成單野最玩死自己嘅，就係呢樣野。其實堂堂正正同舊愛分手，開展新一段戀情，雖然都係會俾人講，但起碼都冇而家咁肉酸啦。」

朋友A：「你做咩突然講嘢咁正經，你女朋友裝咗偷聽器？」

我：「啲女人成日為埋係廁所度傾點樣殺男人你又唔知啫！不如轉場去唱K，突然想唱首《時代曲》——若註定這樣~ 故事尾聲方進場~別人話遲極了~願何雁仍為我留了座~~~」

text by 泰兄＜──facebook page

https://hkstylemen.yahoo.com/post/159259394506/%E6%98%AF%E6%97%A5%E5%99%8Fday%E5%81%B7%E9%A3%9F%E5%94%94%E8%A8%98%E5%BE%97%E6%8A%BA%E5%92%804%E5%80%8B%E4%BD%8E%E7%B4%9A%E9%8C%AF%E8%AA%A4