咩態度

咩態度(一)

時常聽到廣告人自組公司的消息和故事，會讓大家知道的，大部分都是成功案例，但世上當然有反面教材。

第一個問題，問問大家，當你不再打工，自己是老闆，打自己工、闖自己天下，你的工作態度應該是……？

我身邊當然有曾出生入死的兄弟姊妹合組過公司，埋班時大家躊躇滿志，諗住拍住上，想得美。

不過，原來做落，有些基本想法，不同人會很不同。咁就死嘞。有時事先，又不會注意到取得這個共識，最多係決定如何分工、挑office、夾錢，有沒有想過大家像對錶一樣，調正一下大家要有共同工作態度？

不止一次聽過創作人心態的落差，和意想不到的浪漫。
有舊同事及好兄弟都試過，和拍檔最後是鬧得不快收場，原因：對方唔恨做、唔積極，結果積極上心那個孭晒飛，做到七個一皮，仲要好似奸妃一樣，迫比較lay back那個用功。原來，有人的心態是，自己開公司，我使乜咁辛苦？要辛苦，我打工啦不如！

https://www.am730.com.hk/column/%E8%B2%A1%E7%B6%93/%E5%92%A9%E6%85%8B%E5%BA%A6%E4%B8%80-73756