WhatsApp辭職

Simple is good, but not simpler
不要將香港不正常的事情當成世界標準，如果文中那位同事一世係香港做，一世唔撞板，that's fine.但是遇到第二個上司，或者去其他國家，其他公司做，一定死梗。
有時虛偽地睇住同事死，定係誠實地冇咗個同事？
同人傾計明知佢唔啱，都講啲歪理去投其所好，我唔想做衰人，更唔想因為自己嘅坦率而冇晒朋友。我有啲糾結，唔明白咩叫做「識得做人」。



WhatsApp辭職
不道德經: 陳強

公司又不只我一人，兩個人拍拖都會分手，同事們難免有離合。只是最近一位同事用WhatsApp來請辭（說得清楚一點，是他通知我他請辭，請辭信已經交給某同事，可是大家都知道請辭信應該直接交給我），讓我反覆思量了一刻，甚至跟某些同事討論了一下——我感覺這很不禮貌，對嗎？


我跟同事討論時說：「即係好似拍拖分手咁，其實我好老套，我覺得呢啲咁大嘅決定，係要三口六面講清楚，先叫尊重呢段關係。」我面前的同事點頭同意，我不能肯定他們是認同我，還是只不過識時務，見腦細這樣說，順我的心意。


我再說：「但我不斷諗，好似以前啲人亂Judge我嗰代人一樣。喂，而家咩年代呀？WhatsApp講同當面講咪一樣！況且，如果我覺得WhatsApp講得唔清楚，咪再約個同事傾囉，無需要因為一個Message就去Judge人喎。係咪？」怎料我面前的中層同事竟然直接話：「我唔係覺得冇禮貌，我係覺得咁樣做好蠢。」我明白他的意思。「個行頭咁細，好來好去係基本常識。如果呢件事係有『不禮貌』的風險，就唔應該做啦。」


我同意「不夠聰明」這個說法，只是我還是永遠嘗試疑點利益先歸於被告——他可能完全不覺得這是「不禮貌」，那他就覺得沒問題。所以問題又回到起點，一位在公司已經工作多於一年的員工，用WhatsApp來請辭……是可以接受嗎？這個永遠都沒有很清晰的答案，就像我這六年來，跟客戶開會，從來沒有遲到過一分鐘(早到了半小時則很常見)，有些人覺得遲到15分鐘以內是可接受的，我原本的Limit定了在5分鐘，但既然世界和我不一樣，即是我不正常，我已經不斷遊說自己把Limit提高至15分鐘。今天我又跟自己說——我要接受WhatsApp也是Official溝通方法之一(起碼會越來越多人這樣做，無論我們接不接受)。